O vindeiro luns á 10:30 18:30 hrs. (porta aberta) arrinca na Madroa unha nova pretempada, antesala da ilusionante campaña 2016/17 na que o Celta volve competir nun torneo continental, a Europa League.
A aposta do club polo fútbol base continúa sendo firme e, un ano máis, Berizzo comezará a posta a punto do equipo cunha importante presenza de novos valores celestes baixo as súas ordes: os porteiros Iván Villar e Ángel Fraga, o defensa Diego Alende, os centrocampistas Pape Cheikh, Brais Méndez, Borja Fernández e Gustavo Ledes e o dianteiro Borja Iglesias.
O proxecto de canteira do RC Celta mantén o seu extraordinario potencial. Diso é reflexo a nómina de futbolistas formados na Madroa que xa forman parte do primeiro equipo e as novas promesas que, tempada tras tempada, espertan no club e na afección unha enorme ilusión polo futuro do fútbol base celeste.
Lista de xogadores que inician a pretempada o luns
Porteiros: Sergio, Rubén, Iván Villar, Ángel.
Defensas: Hugo Mallo, Fontàs, Cabral, Jonny, Sergi Gómez, Planas, David Costas, Diego Alende.
Centrocampistas: Radoja, Wass, Señé, Drazic, Naranjo, Pape Cheikh, Borja Fernández, Gustavo Ledes, Brais Méndez.
Dianteiros: Iago Aspas, Bongonda, Beauvue, Borja Iglesias.
Os futbolistas Marcelo Díaz, Pablo Hernández, Álex López, Madinda, Orellana e Guidetti, dispoñen de máis días de descanso ao ter compromisos deportivos tras a finalización do campionato ligueiro.
