O dianteiro celeste Gonçalo Paciencia sofre unha rotura fibrilar de grao II no bíceps femoral da súa perna esquerda, segundo desvelan as probas que lle realizaron hoxe os servizos médicos do club. Esta lesión manterá ao ariete portugués inactivo ao redor das seis semanas.
Por outra banda, Paciencia sufriu tamén a fractura do cuarto e quinto metacarpianos da súa man dereita, doenza da que foi intervido cirurxicamente durante a xornada de hoxe polos servizos médicos do RC Celta. O club quere mandarlle unha mensaxe de ánimo e desexarlle unha pronta recuperación.
