O Real Club Celta e o KRC Genk pecharon hoxe o acordo para o traspaso dos dereitos federativos do atacante José Naranjo. O dianteiro onubense chegou o pasado verán ao RC Celta procedente do Nástic de Tarragona e disputou un total de tres encontros co conxunto vigués na campaña 2016/2017.
O Real Club celta quere expresarlle a José Naranjo o seu sincero agradecemento polo seu exemplar comportamento, profesionalidade e entrega durante a súa etapa en Vigo e desexarlle un rotundo éxito na súa nova andaina no fútbol belga.
