O hospital vigués é unha tempada máis o proveedor de servizos médico-sanitarios do club celeste
Durante o martes, mércores e xoves desta semana, os futbolistas do primeiro plantel do Celta realizarán os exames médicos de pretempada no Hospital Vithas Nuestra Señora de Fátima. Os xogadores serán sometidos a diversas analíticas e probas de esforzo para comprobar o seu óptimo estado de forma.
Sergio, Yoel, Hugo Mallo, Oubiña, Vila, Álex López e Fontás farán o recoñecemento médico mañá martes, mentres que o mércores será a quenda de Nolito, Cabral, Bellvís, Orellana, Toni, Samuel e David Rodríguez. O xoves quedará reservado aos canteiráns que estes días adestran ás ordes de Luís Enrique.
O Hospital Vithas Nuestra Señora de Fátima, provedor de servizos médico-sanitarios do club desde mediados dos anos 70, é o encargado de realizar tanto os recoñecementos previos ao comezo de tempada das distintas categorías do club, como de cubrir as continxencias sanitarias que se presentan ao longo do ano.
