O dianteiro celeste Maxi Gómez regresou este luns ás instalacións deportivas de A Madroa tras gozar duns días extra de permiso pola súa participación no Mundial de Rusia. O xogador do RC Celta, que volveu das súas vacacións nunha gran condición física, exercitouse á marxe co obxectivo de alcanzar o ritmo dos seus compañeiros canto antes.
Pola tarde, o internacional uruguaio acudiu á Clínica RC Celta en A Sede para realizar as habituais probas médicas de inicio de pretempada.
