O CD Pena Azagresa comunicou oficialmente que o partido da primeira rolda de Copa do Rei ante o RC Celta, programado para o xoves 19 de decembro ás 19:00, disputarase finalmente no campo da Planilla, en Calahorra (La Rioja). Esta decisión tomouse tras a imposibilidade de acometer nas instalacións azagresas as melloras necesarias segundo a RFEF para a disputa deste encontro. O estadio de La Planilla atópase a tan só dez quilómetros de Azagra e era a alternativa preferida polo club navarro.
