A chegada de Eduardo Coudet deulle un sopro de aire fresco ao RC Celta. O adestrador arxentino cumpriu este domingo ante o Real Valladolid 15 partidos no banco celeste (hai que lembrar que no seu primeiro encontro tivo que sentar na bancada por problemas burocráticos) nos que sumou seis vitorias, cinco empates e catro derrotas. En total o equipo anotou 22 goles e recibiu 18.
Estes números situarían ao RC Celta na sétima praza da clasificación desde que Coudet dirixe os partidos desde o banco, por encima de equipos do potencial do Vilarreal, Real Sociedade, Athletic Club ou Valencia.
