Valioso punto conquistado polo RC Celta en Vallecas, un estadio onde ningún outro equipo lograra sumar até agora esta tempada. Foi un partido parello no que ambos os equipos, aínda que escasas, tiveron oportunidades para marcar. Aínda que as do Rayo foron máis claras, o conxunto local topouse cun inmenso Matías Dituro baixo paus que frustrou os intentos rayistas.
Galhardo, que se estreaba como titular co RC Celta, e Brais Méndez, capitán por primeira vez nun partido de Primeira División, tiveron nas súas botas as ocasións de gol máis claras para o conxunto celeste.
Punto importante nun campo moi complicado antes de recibir ao FC Barcelona, en Abanca Balaídos, o vindeiro sábado 6 de novembro ás 16:15.
FICHA TÉCNICA
0 – RAYO VALLECANO: Dimitrievski, Maras, Falcao (Bebé, min.73), Catena, Santi C.V., Isi (Nteka, min.73), Unai López (Trejo, min.63), Álvaro (Guardiola, min.87), Balliu, Óscar (Ciss, min.87), Fran García.
0 – RC CELTA: Dituro, Kevin, Araújo, Murillo, Galán (Fontán, min.61), Tapia, Beltrán (Nolito, min.61), Brais Méndez, Denis Suárez (Iago Aspas, min.80), Galhardo (Okay, min.80), Santi Mina (Solari, min.22)
Goles: sen goles.
Árbitro: Cordero Vega, del comité cántabro. Amonestou a Óscar Valentín, Isi (Rayo), Galán, Solari, Brais Méndez, Fontán, Tapia (RC Celta).
Campo: Vallecas (9.580 espectadores).
