O RC Celta empatou ante o Rayo Vallecano (2-2) no último partido de LaLiga. O equipo celeste logrou neutralizar os dous goles de vantaxe que conseguiron os vallecanos nun duelo que certificou a permanencia un ano máis en Primeira División.
O primeiro tempo estivo marcada pola igualdade. Ambos equipos buscaron a portaría contraria e foron os madrileños os que se adiantaron no marcado tras un penalti á media hora de xogo. Os de Fran Escribá envorcáronse sobre a portaría rival e dispuxeron de varias ocasións claras que non puideron transformar.
Na segunda metade o RC Celta levou o peso do partido e súas foron as accións con máis perigo, pero a falta de puntaría e a mala fortuna impediron que os celestes igualasen o partido. Medrán puxo o 0-2 no minuto 72 e no tramo final Iago Aspas, de novo Trofeo Zarra, igualou o partido con dous goles.
FICHA TÉCNICA
2 – RC Celta: Rubén; Hugo Mallo, Cabral, Araujo, Olaza; Brais (Jozabed, min 75), Okay, Lobotka (Sisto, min 82), Boudebouz (Boufal, min 63); Aspas, Maxi Gómez
2 – Rayo Vallecano. Dimitrievski; Advíncula, Velázquez, Catena, Akieme; Uche (Mario Suárez, min 60), Medrán; Álvaro García (Bebé, min 78), Pozo, Embarba (Javi Guerra, min 92); De Tomás
Goles: 0-1 Embarba, min 30; 0-2 Medrán, min 72; 1-2 Aspas, min 80; 2-2 Aspas, min 90;
Árbitro: Mateu Lahoz, do comité valenciano. Amoestou a Álvaro, Catena, Velázquez (Rayo Vallecano)
Campo: ABANCA Balaídos (21.607 espectadores)
