Partido moi complicado o que afronta o RC Celta este domingo. O equipo celeste viaxa a Castellón para medirse ao Villarreal, sexto clasificado e flamante finalista da Europa League tras superar o pasado xoves ao Arsenal.
Os de Eduardo Coudet, xa coa salvación matemática, queren continuar a súa boa serie de resultados ante un dos mellores equipos do campionato e que xa demostrou no partido de ida disputado en Abanca Balaídos a súa fortaleza.
Renato Tapia e Jeison Murillo son baixas seguras tras sufrir senllas lesións musculares ante o Levante na última xornada. Ademais, continúan no parte médico os lesionados de longa duración Sergio Álvarez, Rubén Blanco e Emre Mor.
