O xogador chileno foi recibido no Estadio Municipal de Balaídos por centos de afecionados celestes
Fabián Orellana foi presentado esta mañá no Estadio de Balaídos ante centos de aficcionados celestes. O atacante chileno, acompañado polo vicepresidente do club Ricardo Barros, agradeceu “a confianza e esforzo do club” por traerlle e destacou “a amizade, a forma de traballar e a seriedade da institución” como as claves do seu desexo por regresar ao Celta.
O internacional por Chile, que adestrou esta mañá con normalidade co primeiro equipo, viaxará a Madrid para concentrarse coa súa selección, coa que se enfrontará a Exipto o mércores 6 de febreiro.
