Os xogadores do RC Celta recibiron este luns na Cidade Deportiva Afouteza as súas plantillas personalizadas da man de Podoactiva, que revolucionou o coidado do pé e a biotecnoloxía con técnicas exclusivas e patentadas coas que traballan máis de 4.500 deportistas de elite.
Os futbolistas sometéronse recentemente a estudos biomecánicos da pisada e desde hoxe xa teñen as súas plantillas, as máis avanzadas do mercado, elaboradas de forma robotizada, combinando a fabricación aditiva de alta gama, a nanotecnoloxía e o corte e marcado por láser.
Podoactiva instalou unha unidade na Clínica RC Celta que conta coa tecnoloxía e os materiais necesarios para coidar a saúde dos pés dos xogadores. Hoxe estiveron presentes na entrega a podóloga Natalia García e o doutor Anxo Piñeiro.
