O primeiro equipo do RC Celta pecha un novo amigable para a pretemporada de LALIGA EA SPORTS 2024/25. Os celestes enfrontaranse ao Sporting de Xixón o vindeiro martes, 23 de xullo, ás 12:00 horas. O encontro, que se disputará na Cidade Deportiva Afouteza, poderá seguirse en directo a través da canle de Youtube do RC Celta.
O conxunto celeste medirase ante o Sporting, todo un histórico de Primeira División dirixido por Rubén Albés, co obxectivo de seguir progresando e preparando da mellor maneira o próximo curso.
