O RC Celta, que asegurou o seu pase á seguinte rolda da Copa do Rey tras vencer ao Salamanca CF UDS, coñeceu hoxe ao seu próximo rival: Real Racing Club de Santander. Este mediodía, a Real Federación Española de Fútbol (RFEF) levou a cabo, na Cidade Deportiva de Las Rozas, o sorteo dos emparellamentos para a terceira rolda da competición e o azar determinou que os celestes se medirán ante os racinguistas durante a primeira semana de 2025 en El Sardinero.
Os pupilos de Claudio Giráldez lucíronse no Estadio Helmántico, onde lograron impoñerse ao Salamanca CF UDS (0-7) nun duelo que evidenciou a solidez do cadro celeste e supuxo a estrea como goleadores en competición oficial de Hugo Sotelo, Carlos Domínguez e Fer López.
Pola súa banda, o Real Racing Club de Santander logrou o seu pase á seguinte rolda tras vencer ao 1-0 ao Real Sporting de Gijón nun encontro que constatou a súa garra e fortaleza.
Por todo iso, o duelo entre o RC Celta e o Real Racing Club de Santander promete ser un enfrontamento vibrante no que ambos os equipos buscarán avanzar na competición copeira.
