21 anos despois… foi marabilloso viaxar ata Mallorca. Este foi o pensamento da marea celeste que se desprazou á illa para ver aos pupilos de Claudio Giraldez gañar ao RCD Mallorca 1-2 grazas a unha segunda parte trepidante cos tantos de Alfon e Pablo Durán; dous golazos de categoría que certifican a boa serie dos celestes de 8 partidos sen coñecer a derrota.
A primeira parte arrincou con mal pé para os galegos, que se viron sorprendidos por un gol temperán do Mallorca. Foi no minuto 16 cando Valjent aproveitou unha falta para adiantar aos locais. O Celta, que saltou ao campo cun planteamento algo cauteloso, non logrou frear o balón parado e, a pesar dos esforzos de Pablo Durán por despexar a falta, o balón foise directo ao fondo da rede. A partir de aí, os minutos transcorreron sen maiores sobresaltos. O Celta non atopou a claridade necesaria para xerar ocasións claras, e aínda que os de Arrasate tampouco tiveron estiveron finos, o marcador non se moveu.
Xa á volta de vestiarios, os de celestes saíron cunha actitude renovada, buscando a remontada desde o primeiro minuto. Non tiveron que esperar moito para que chegase o ansiado empate: no minuto 54, Alfon, cun disparo preciso desde fóra da área, anotou un golazo que desatou a alegría na bancada visitante e equilibrou o marcador. A partir de aí, o Celta creceu e apropiouse do partido, cunha choiva de ocasións que mantivo en albas ao celtismo presente en Son Moix. A máis clara, un remate de Pablo Durán no minuto 57, que estivo a piques de terminar en gol tras un pase maxistral de Iago Aspas. A presión celeste seguiu sendo constante e, no minuto 71, Fer López, recentemente ingresado, aproveitou un pase medido de Óscar Mingueza para poñer aos seus por diante con outro golazo que sentenciou o encontro. Tres puntos que permiten ao RC Celta continuar alongando o seu bo momento, acumulando oito partidos consecutivos sen perder.
Esta remontada en Mallorca é unha mostra máis da fortaleza e determinación do equipo, que segue plasmando a súa calidade xornada tras xornada. Agora, os celestes consolídanse na parte alta da clasificación e afrontan con optimismo o próximo enfrontamento, que será o 12 de abril ás 18:30h contra o Espanyol, en Abanca Balaídos.
FICHA TÉCNICA:
1- RCD Mallorca: Greif; Maffeo, Valjent, Copete, Mojica; Manu Morlanes (Antonio Sánchez, min. 59′), Omar Mascarell, Asano (Valery, min. 59′), Dani Rodríguez (Abdón, min. 73′), Darder; Muriqui (Larin, min. 36′).
2 – RC Celta: Guaita; Marcos Alonso, Starfelt, Javi Rodríguez; Mingueza (Carlos Domínguez, min. 92′), Ilaix, Beltrán, Carreira; Alfon (Borja Iglesias, min. 77′), Durán (Swedberg, min. 77′) e Aspas (Fer López, min. 63′).
Goles: 1-0 (Martin Valjent, min. 17′); 1-1 (Alfon González, min. 53′); 1-2 (Fer López, min. 73′)
Árbitro: Ricardo de Burgos Bengoetxea
Incidencias: Partido correspondente á Xornada 30 de LALIGA EA SPORTS disputado en Son Moix.
