O centrocampista celeste Renato Tapia, que sufriu un esguince no ligamento lateral interno do seu xeonllo esquerdo no partido de Copa do Rei ante o Atlético Baleares, recibiu esta tarde a alta médica, polo que estará dispoñible para o parrido deste mércores ante Osasuna (Abanca Balaídos, 19.00 horas).
A alta de Tapia, quen sufriu a lesión na primeira metade do encontro de Copa, disputado o pasado cinco de xaneiro, deixa en branco o parte médico, xa que Augusto Solari, o outro futbolista con problemas físicos nas últimas semanas, abandonou onte a enfermería céltica.
