A resonancia magnética realizada polos servizos médicos do RC Celta ao centrocampista Renato Tapia desvela que o internacional peruano sufriu un esguince leve do ligamento lateral interno do seu xeonllo esquerdo. Tapia mantén adestramento individual, pero espérase que ao longo da semana comece a realizar traballos co grupo.
O medio centro celeste lesionouse durante o partido de Copa do Rei disputado o pasado cinco de xaneiro ante o Atlético Baleares.
