O mediapunta Giuseppe Rossi chegou este domingo a Vigo para completar a súa fichaxe polo Real Club Celta. O futbolista italiano superou o recoñecemento médico satisfactoriamente e a súa incorporación ao club vigués queda pendente de pechar o acordo definitivo.
Rossi (Teaneck, Estados Unidos; 1 de febreiro de 1987) é un xogador que, aínda sen cumprir 30 anos, deixou unha indeleble pegada no fútbol español, onde exhibiu unha enorme capacidade goleadora e un gran talento no cento oitenta encontros que disputou en Primeira División.
O atacante chega ao RC Celta para enriquecer a liña ofensiva do equipo vigués con boas doses de experiencia, tanto en España como a nivel internacional, desequilibrio, gol e visión de xogo.
