O Celta caeu por 2-1 na súa visita ao Villarreal CF tras un partido moi condicionado por un penalti nos primeiros minutos que puxo o encontro costa arriba desde o inicio. A pesar da adversidade, o conxunto de Claudio Giráldez competiu ata o final, recortou distancias na segunda metade grazas a un tanto de Borja Iglesias desde os once metros e quedou ás portas do empate.
O choque púxose costa arriba practicamente desde o saque inicial. Nunha das primeiras accións do encontro, unha xogada dentro da área celeste sobre Moleiro foi sinalada como penalti e Gerard Moreno transformouno para facer o 1-0. Lonxe de virse abaixo, os de Claudio Giráldez tentaron adueñarse do balón e levar o peso do xogo, xerando algunha chegada e mantendo a orde ante un Villarreal cómodo á espera. O partido entrou nunha fase máis igualada, pero ao fío do descanso volveu golpear o conxunto local. O partido entrou nunha fase máis igualada, pero o conxunto local volveu golpear no minuto 29; Pépé sorprendeu á defensa celeste cun gol que estableceu o 2-0 co que se marcharon aos vestiarios.
Tras a reanudación, o Celta saltou ao céspede cunha clara intención de meterse de novo no partido. Claudio Giráldez moveu o banco e o premio chegou no minuto 73 cun penalti a favor do cadro celeste. Borja Iglesias encargouse do lanzamento e non fallou, no segundo intento, para asinar o 2-1. A partir de aí, os galegos volcáronse sobre a área defendida por Tenas na procura do empate. As chegadas sucedéronse no treito final, pero o balón non entrou e o marcador non se moveu ata o asubío final.
Agora, o Celta pon a mirada en Abanca Balaídos, onde o vindeiro domingo recibirá ao Elche CF coa firme intención de reencontrarse coa vitoria e seguir sumando para manterse na pelexa polos postos europeos.
FICHA TÉCNICA:
2 – Villarreal CF: Arnau Tenas; Freeman, Rafa Marín, Renato Veiga, Pedraza (Sergi Cardona, min. 78); Santi Comesaña, Pape Gueye (Dani Parejo, min. 78), Alberto Moleiro (Thomas Partey, min. 90+2), Nicolas Pépé (Alfon González, min. 78), Georges Mikautadze (Ayoze Pérez, min. 85) e Gerard Moreno.
1 – Celta: Andrei Radu; Sergio Carreira, Javi Rodríguez, Yoel Lago, Marcos Alonso (Iago Aspas, min. 76); Óscar Mingueza, Hugo Sotelo (Fer López, min. 76), Ilaix Moriba, Hugo Álvarez (Álvaro Núñez, min. 76); Pablo Durán (Ferran Jutglà, min. 46) e Borja Iglesias (Hugo González, min. 83).
Goles: 1-0, min. 2: Gerard Moreno, de penalti; 2-0, min. 29: Pépé; 2-1, min. 73: Borja Iglesias, de penalti.
Árbitro: Alejandro Quintero González (Comité Andaluz). Mostrou cartón amarelo a Marcos Alonso (min. 14), Andrei Radu (min. 29), Pablo Durán (min. 45+3), Borja Iglesias (min. 74), Ilaix Moriba (min. 90+4) e Iago Aspas (min. 90+5) por parte do Celta e a Pedraza (min. 18) e Pape Gueye (min. 70) por parte do Villarreal CF.
Incidencias: Partido correspondente á xornada 32 de LaLiga EA Sports disputado no Estadio da Cerámica. Hugo González debuta en Liga co primero equipo celeste.
