O porteiro celeste Sergio Álvarez sumou ante a Real Sociedade o seu partido número 100 co Celta en Primeira División. O canteirán desenvolveu toda a súa carreira no club vigués, a cuxas categorías inferiores se incorporou con dezasete anos. Tras xogar cedido unha tempada no Racing Club Ferrol, o de Catoira regresou ao Celta e en 2011 debutou co primeiro equipo en Segunda División.
Centenario en Primeira División, Sergio achégase ás cifras rexistradas por soados porteiros da historia céltica como Cavallero (121), Pinto (125), Dutruel (128), Maté (148) ou Simón (152).
