Sergio Álvarez recibiu este martes o premio Xogador Estrella Galicia que o recoñece como o mellor futbolista celeste do mes de Febreiro. O de Catoira recibiu o 61% dos votos do celtismo en redes sociais, superando así aos outros dous candidatos ao galardón nesta edición: Jonny, cun 25% de votos, e Tucu co 14%.
O acto de entrega do premio tivo lugar na tapería La Alcoba, en Vigo, onde Sergio recibiu o trofeo de mans do xerente Daniel Filgueira. O canteirán céltico expresou o seu agradecemento aos afeccionados e dedicou o premio aos seus compañeiros de equipo.
