O novo xogador do RC Celta, Fedor Smolov, pasou este venres con éxito o recoñecemento médico na Clínica RC Celta. As probas estiveron supervisadas polos servizos médicos do club coa colaboración dos cardiólogos Juan Carlos Arias, María Basalo e Vilar, do Servizo de Cardioloxía do Hospital Povisa. Acto seguido, o xogador asinou o seu novo contrato como xogador celeste no Salón Rexio de A Sede xunto ao presidente Carlos Mouriño. O internacional ruso levará o dorsal número nove na súa camiseta.
