O Celta, que asegurou o seu pase á seguinte rolda da Copa del Rey tras vencer ao Puerto de Vega, coñeceu hoxe o seu próximo rival: a UE Sant Andreu. Este mediodía, a Real Federación Española de Fútbol (RFEF) levou a cabo, na Ciudad Deportiva de Las Rozas, o sorteo dos emparellamentos para a segunda rolda da competición, e o azar determinou que os celestes se medirán aos cataláns a primeira semana de decembro no Narcís Sala.
Os pupilos de Claudio Giráldez foron de menos a máis en El Pardo, onde lograron imporse ao Puerto de Vega (0-2) nun encontro no que destacou o debut de varios xogadores do Celta Fortuna e o estreo como goleadores en competición oficial de Damián Rodríguez e Óscar Marcos.
Pola súa banda, o Sant Andreu acadou o pase á seguinte rolda tras vencer por 2-1 ao Teruel nun encontro que puxo de manifesto o seu gran potencial e fortaleza.
Por todo iso, o duelo entre o Celta e a UE Sant Andreu promete ser un enfrontamento vibrante no que ambos equipos buscarán avanzar na competición copeira.
