Un Celta enorme, que ofreceu un espectáculo inmenso na primeira metade e soubo aguantar e sufrir na segunda, levou unha gran vitoria ante un Sevilla que non puido finalmente rendibilizar o seu xogo directo e a envergadura de Llorente. magnífico treiunfo con goles de Nolito e Wass.
Arranque magnífico dun Celta intenso, ambicioso e vertical. En cinco minutos, tres bos remates e numerosas chegadas ante un rival que non podía facer outra cousa que defender e tratar de xogar á contra.
O dominio celeste, cun xogo enorme, traduciuse nun golazo de Nolito aos 14 minutos. Cambio de xogo de Orellana, recortes cara a dentro do gaditano e gran remate ao primeiro pau que acaba na rede.
Aos 25 minutos, a formidable aposta celeste, a súa magnífica presión e gran xogo, volveron ter premio tras unha asistencia de Hugo Mallo desde a liña de fondo cara a Wass, quen cruzou o coiro lonxe do alcance de Sergio Rico.
O Celta mantivo o absoluto dominio do choque, con varias oportunidades espléndidas, para pechar unha primeira metade inesquecible cunha vantaxe clara, pero mesmo curta.
Tras a continuación, o Sevilla saíu moito máis agresivo e ofensivo e logrou acurtar as diferenzas aos 8 minutos cun cabezazo de Llorente tras un desaxuste defensivo prol a banda dereita. Partido novo, ademais moi axitado e intenso.
Os celestes souberon sufrir, defender e contra acatar para levarse unha gran vitoria e seguir invicto na Liga.
FICHA TÉCNICA
1-Sevilla FC: Sergio Rico, Mariano, Kolo, Andreolli, Coke, Krychowiak, N’Zonzi, Vitolo (Kronh-Dehli, min.29), Banega (Llorente, min.46), Reyes (Komoplyanka, min.73) e Gameiro.
2-RC Celta: Sergio, Hugo Mallo, Cabral (Fontás, min.58), Sergi Gómez, Jonny, Augusto, Wass, Orellana, Pablo Hernández (Radoja, min.61), Nolito e Iago Aspas (Guidetti, min.78).
Goles: 0.1, min.14; Nolito; 0-2, min.25: Wass; 1-2, min.53: Llorente.
Árbitro: Jaime Latre, do comité aragonés. Expulsou con dobre amarella a Jonny (min.91) e amonestou a Sergi Gómez, Iago Aspas, Hugo Mallo, Orellana, Banega, Krychowiak, Reyes.
Campo: Sánchez Pizjuán .
