O RC Celta deixou escapar dous valiosos puntos no tempo de desconto. Nun partido no que os celestes gozaron de multitude de ocasións, só un remate de Iago Aspas a pase de Denis Suárez, e axudado pola defensa nazarí, logrou tocar o fondo da rede.
Cando o triunfo vigués, e a consecuente permanencia matemática, parecían xa seguras, apareceu Machís para pór o empate no marcador e frustar a vitoria céltica. Os de Coudet terán que esperar ao próximo partido en Abanca Balaídos, ante o Alavés, para certificar unha continuidade en Primeira División que xa é virtual.
FICHA TÉCNICA
1 – Granada CF: Maximiano; Puertas (Arias, min. 82′), Germán, Barcia (Gonalons, min. 77′), Escudero; Milla, Petrovic, Montoro (Machís, min. 63′); Uzuni (Molina, min. 77′), Álex Collado e Luis Suárez (Arezo, min. 82′).
1 – RC Celta: Dituro; Kevin Vázquez, Aidoo, Araujo (Veiga, min. 77′), Javi Galán; Beltrán (Suárez, min. 55′), Tapia, Brais Méndez, Cervi (Nolito, min. 55′); Santi Mina (Domínguez, min. 77′) e Iago Aspas (Gallardo, min. 87′).
Goles: Puertas (p.p, 0-1, min.72), Machís (1-1, min.92′).
Árbitro: José Luis Martínez Munuera, do comité valenciano. Amonestou a Molina (Granada), Galán, Beltrán, Dituro (RC Celta).
Campo: Nuevo Los Cármenes.
