Xornada clave para o RC Celta. Este sábado recibe a un Levante situado tres puntos por encima, décimo cuarto na táboa. Xornada clave na que os rivais directos do equipo de Miguel Cardoso afrontan partidos de máxima dificultade.
A afección celeste non só é consciente da importancia de gañar o encontro ante o Levante, tamén o é do enorme peso que para a consecución deste obxectivo ten o seu apoio.
É por iso que a totalidade das peñas celestes alentarán desde o primeiro instante ao conxunto celeste e a afección empuxará ao equipo cara á vitoria. Así ocorreu no anterior partido en Abanca Balaídos ante o Sevilla, no que chegou un triunfo necesario tras un longo periodo de derrotas coa bancada salvagardando a valiosa vitoria.
Demostrouse en numerosas ocasións: xuntos somos máis fortes, xuntos non hai nada imposible. Mañá volverá quedar patente.
