A canteira do RC Celta suma dous novos internacionais e segue facendo historia tralo fito alcanzado nas últimas semanas, nas que por primeira vez o equipo celeste contou con xogadores da canteira en todas as categorías da Selección Española con convocatorias activas.
Nas últimas horas tivo lugar unha nova convocatoria con presenza de canteiráns celestes. Na lista da Selección Española Sub-16 figuran dous xogadores do RC Celta Cadete A, o defensa Álex Vila e o centrocampista Mario Canteiro.
Os dous canteiráns celestes participarán nos adestramentos oficiais do combinado nacional que terán lugar en Las Rózas entre o 20 e o 23 do presente mes de novembro.
O incansable traballo nas categorías inferiores e a decidida aposta do club pola súa canteira continúan dando os seus froitos coa chegada de novos valores aos distintos equipos da Selección Española, que se nutren de xeito constante de canteiráns celestes.
