A Sede foi escenario da firma do acordo de colaboración entre a Fundación Celta e a empresa Kali Sports Investment SL. No acto estiveron presentes Germán Arteta como Director da Fundación Celta e Alí Osama como responsable de Kali Sports. Con este acordo búscase seguir potenciando a marca Celta no mercado de Oriente Medio e continuar desenvolvendo accións formativas e deportivas no continente Africano, como a realizada o pasado mes de outubro en Exipto.
Desde a Fundación Celta incidiuse na importancia do fútbol como vehículo transmisor de valores, tratando de formar persoas para a súa vida adulta e sendo partícipes da súa formación deportiva a través da metodoloxía do RC Celta. Pola súa banda Alí Osama mostraba a súa enorme satisfacción por poder colaborar cunha organización de tanto prestixio, onde remarcou os grandes beneficios que un acordo deste tipo pode supoñer tanto para os mozos como para os clubs de Oriente Medio, brindándolles a oportunidade de vivir de preto a experiencia de adestrar cos mellores profesionais.
