Adrià Capdevila convértese en novo xogador do Celta Fortuna. O centrocampista catalán chega procedente do Getafe CF e firma co conxunto celeste para as próximas catro tempadas.
Formado nas categorías inferiores do FC Barcelona, Capdevila posúe unha sólida base técnica e táctica, desenvolta tanto no fútbol español como no seu paso por Estados Unidos. Aos seus 21 anos, destaca polo seu perfil asociativo, a súa capacidade organizativa e a súa gran personalidade para asumir un rol máis ofensivo en campo rival. A pasada tempada disputou un total de 14 partidos co filial azulón, anotando un gol e participando na fase de promoción a Primeira Federación.
Capdevila aterra en Vigo para incorporarse á disciplina de Fredi Álvarez a escasos días do inicio da competición oficial. A súa chegada achega calidade e ambición a un plantel que segue reforzándose para afrontar con garantías os retos da próxima tempada.
Benvido, Adrià!
