O mediocentro, Andrés Antañón pasa a formar parte do Celta Fortuna. É o quinto xuvenil, neste caso de segundo ano, que se incorpora ao filial celeste esta tempada o que demostra a calidade, disciplina e dedicación da canteira do RC Celta.
O mozo de 17 anos chegou á Madroa en infantís e, desde entón, pasou por todas as categorías inferiores disputando máis de 7.000 minutos e marcando un total de 25 goles coa camiseta celeste. Por outra banda, a pasada tempada convertíase en internacional ao ser convocado por primeira vez coa selección española sub-17.
Desde o inicio da pretemporada 24/25, Antañón incorporouse á dinámica de adestramentos do Celta Fortuna, chegando a debutar baixo os mandos de Fredi Álvarez nos encontros amigables ante o Coruxo FC e o CD Lugo.
O RC Celta reafirma así o seu compromiso coa canteira, piar fundamental para o club, e demostra a súa implicación na formación integral dos mozos xogadores que nela intégranse.
Parabéns, Andrés!
