Outros dous futbolistas do Celta B incorpóranse á pretempada do primeiro equipo. O centrocampista Dani Molina (1996, Huelva) e o extremo Dani Vega (1997, Mérida), unha das últimas fichaxes para o filial, uníronse este venres á disciplina de Antonio Mohamed.
Con estas dúas incorporacións, xa son seis os xogadores do Celta B realizando a pretemporada co primeiro persoal: Dennis Eckert, Víctor Pastrana, Diego Alende, Jacobo González, Dani Molina e Dani Vega. A maiores, o corpo técnico volveu contar na sesión de hoxe co gardameta do filial Fran Vieites.
