As Escolas Celta Integra, promovidas pola Fundación Celta, arrincaron esta semana o curso tanto na sede de Ourense como nas instalacións deportivas de A Madroa.
Un proxecto inclusivo, dirixido a nenos e nenas de entre 8 e 16 anos con diversidade funcional, quen a partir deste luns iniciaron a súa práctica deportiva baixo a tutela dos adestradores da canteira do RC Celta.
As Escolas Celta Integra son unha ferramenta máis no desenvolvemento e integración de persoas con discapacidade intelectual, que teñen como obxectivo promover os valores de inclusión a través do fútbol e reforzar o compromiso social da Fundación Celta.
