O RC Celta e o Elche alcanzaron un acordo para a cesión até final de tempada do atacante Manu Justo, que se incorpora ao filial celeste. Manu Justo (Vigo, 1996) é un contrastado goleador que xa defendeu a camiseta do Celta B a pasada campaña e que axudou cos seus goles e o seu traballo á melloría do filial celeste nos últimos meses de competición. O RC Celta gárdase unha opción de compra.
