Gran acollida dos campus de verán da Fundación Celta by Cabreiroá 2022

Os campus de verán da Fundación Celta by Cabreiroá 2022 rematan este ano con preto de 1.500 inscritos, recuperando cifras de participación previas ao covid.

A actividade, que se desenvolveu entre o 27 de xuño e o 5 de agosto, en locais de toda Galicia, é unha gran experiencia para os nenos que teñen a oportunidade de xogar ao fútbol, pasar tempo cos seus compañeiros e aprender tan bos valores como os que sempre transmite a Fundación Celta.

Os Campus de Verán están dirixidos a rapaces e rapazas de entre 4 e 16 anos e están coordinados por persoal técnico das categorías inferiores do Real Club Celta. No recinto principal, situado nas instalacións deportivas da Madroa, ofrécense 5 semanas onde os cativos, ademais de aprender xogando, visitaron o estadio Abanca Balaídos e participaron en obradoiros de primeiros auxilios coa Asociación Vodea.

A Fundación quere agradecer a súa participación a todos os nenos e nenas que viviron e gozaron do campus. Así mesmo, agradezo publicamente o apoio e compromiso amosado por cada unha das empresas e firmas patrocinadoras que colaboran co campus polo apoio prestado.

Fundación Celta traballa ano tras ano intentando mellorar para ofrecer unha actividade que se traduza en vivencias que queden na memoria dos participantes e que estea directamente vencellada ao sentimento celtista.