O Celta B sufriu este domingo na Malata a primeira derrota da tempada. Os de Menéndez chegaban á sexta xornada da 2ª División B cunha bagaxe de dous empates e tres vitorias dispostos a conquistar un campo sempre complicado como o é o do Racing Club Ferrol.
O cadro departamental adiantouse no marcador mediado no primeiro tempo cun tanto de Bicho. Tras o descanso Borja Iglesias anotou o gol do empate. O partido parecía abocado á repartición de puntos, pero a falta de tres minutos para o asubío final José Cruz deu a vitoria aos ferroláns.
O filial celestes mantense con 11 puntos nos postos de promoción de ascenso, só superado por Osasuna B, CyD Leonesa e Racing Club de Santander. A próxima xornada recibirán ao Burgos en Barreiro.
FICHA TÉCNICA
2-RC FERROL: Sergio García, José Cruz, Maceira, Víctor Vázquez, Catalá, Juan Martínez, Armental (Julio Delgado, 46′), Bicho, Joselu, Pablo Rey (Brais Abelenda, 78′), David Bandera (Sergio Martín, 72′).
1-CELTA B: Néstor, Kevin, Roger, Alende, Samu, Juan Mera (Agus, 70′), Brais Méndez (Ros, 79′), Gus, Juan Hdez. (Joao, 34′), Borja Iglesias, Hicham.
Goles: Bicho, 19′ (1-0); Borja Iglesias, 53′ (1-1); José Cruz, 87′ (2-1).
Árbitro: Fuente Martín, do comité cántabro. Amonestou a Pablo Rey e Maceira (RC Ferrol); Joao, Brais Méndez, Hicham e Néstor (Celta B).
Campo: A Malata.
