Vitoria celeste no primeiro partido do ano ante o Rácing de Ferrol en Abanca Balaídos para continuar o refacho vitorioso do filial celeste.
O partido comezou con algúns achegamentos dos dous equipos que non atoparían porterías, ata que un penalti de Manzanara sobre Sergio Barcia decantaría o partido cara ao noso lado. Tiraría e convertería a pena máxima o noso pichichi Iker Losada para aumentar o seu haber goleador ata os 6 esta tempada.
O filial celeste enfrontarase a próxima xornada para pechar a primeira volta, lonxe de Vigo ante o Fuenlabrada este próximo domingo. A vitoria de hoxe aúpa aos mozos de Giráldez ata o noveno posto, xa a 4 puntos do playoff.
CELTA B: Christian Joel; Carrique, Barcia, Carlos Domínguez, Medrano, Tincho (Iván, min. 79); Beitia (Javi Domínguez, min. 74), San Bartolomé (Damián, min. 55); Miguel (Hugo Álvarez, min. 46), Pablo Durán (Raúl Blanco, min. 46) e Iker Losada.
RACING: Gazzaniga; Enol Coto, Quique Fornos, David Castro, Brais; Fran Manzanara (Jorge Padilla, min. 75), Jesús Bernal, Carlos Vicente; Manu Xusto, Luís Chacón (Do Pozo, min. 75) e Joselu (Heber Pena, min. 59).
GOL: 1-0, min. 67: Iker Losada de penalti.
ÁRBITRO: Daniel Palencia Caballero (Comité Vasco). Amoestou polo RC Celta a Medrano e Raúl Blanco e polo Rácing a Manzanara.
