Tras o regreso á actividade do Celta B o pasado luns, outros dous equipos da canteira celeste arrincan hoxe a pretempada nas Instalacións Deportivas de A Madroa. O Celta C – Gran Peña, que logrou a pasada campaña un meritorio ascenso a Terceira RFEF, e o Xuvenil de División de Honra comezan hoxe a prepararse para a competición.
O terceiro equipo celeste, o Celta C – Gran Peña, será dirixido de novo por Srdan Bajcetic. O segundo adestrador é Luís Bonilla e completan o corpo técnico Gonzalo Lijó, preparador físico, e Óscar Santos, adestrador de porteiros.
O RC Celta Xuvenil de División de Honra terá como adestrador a Fredi Álvarez, con Santos Fonterigo como segundo técnico, Daniel Núñez como preparador físico e Diego Tuñas como adestrador de porteiros.
