Na presente campaña 24/25 xa son 4 os canteiráns que debutaron ás ordes de Fredi Álvarez. Moha Ylyass, Andrés Antañón, Hugo Burcio e Iago Barreiros tiveron minutos co Celta Fortuna nos tres partidos que leva o filial ata o momento. A eles, súmase a presenza no campo das novas fichaxes celestes: Jordi Escobar, Sergio Díez, Iván Garriel, Johan Guedes, Emi Rodríguez e Marc Vidal.
Estes debuts supoñen un ladrillo máis na construción dun dos piares fundamentais do club, a canteira. Para o RC Celta é un orgullo seguir formando novas promesas e reafirmar o compromiso da entidade celeste co futuro do fútbol vigués.
