O talento Feito na Madroa continúa fortalecendo as súas raíces e reforzándose para as próximas tempadas. Neste sentido, Diego Matute seguirá vinculado o Celta ata 2030.
Con tan só 17 anos, o centrocampista, que chegou á entidade celeste en Infantil B, xa destacou nas categorías xuvenís do club onde seguirá desenvolvendo todo o seu potencial. No que vai de tempada, suma un total de 23 partidos oficiais nos que anotou 9 goles, chegando a debutar na División de Honra xuvenil o pasado mes de novembro e a disputar os partidos de Copa do Rey co conxunto dirixido por Alberto Suárez.
Diego Matute é un dos mozos que crecen baixo o selo de “Feito na Madroa”, o modelo que define a identidade do club e co que o propio Celta reafirma o seu compromiso coa Canteira. Agora, o xogador seguirá crecendo e formándose no mellor ecosistema posible, a súa casa.
Parabéns, Diego!
