En marcha a terceira semana dos campus de verán Fundación Celta by Cabreiroá 2023

Xa está en marcha a terceira semana dos Campus de verán Fundación Celta by Cabreiroá 2023 con sedes en A MADROA, CAMBADOS, LALÍN, VICTORIA CF SANTIAGO, MONDOÑEDO e VILA DE CORPUS PONTEAREAS. Na sede de A MADROA ademais do campus habitual temos en marcha a segunda edición do CAMPUS DE PORTEIROS SERGIO ÁLVAREZ con gran éxito de participación de porteiros federados en clubs de toda a xeografía galega. Na sede de VITORIA F.C. de SANTIAGO DE COMPOSTELA púxose en marcha un novo campus da modalidade feminina, tras o gran éxito cultivado a semana pasada na Madroa.

Destacar a presenza de SERGIO ÁLVAREZ nas instalacións da Madroa durante a xornada do luns compartindo toda a mañá cos porteiros, desexosos de recibir os seus consellos. Ademais de participar con eles nas tarefas de campo, tivo unha charla con todos onde lles transmitiu unha mensaxe de ánimo e ilusión para que sigan gozando da posición de porteiros e que sobre todo sexan felices cada día que se poñen as luvas, e ademais respondeulles a múltiples preguntas. Para pechar a xornada realizaron un sorteo de pezas deportivas de porteiros e firma de Sergio para todos os presentes. Un luxo contar coa presenza de Sergio tanto dentro como fora do campo, do mesmo xeito que o facía cando defendía a camiseta celeste.

Alcanzamos o ecuador dos campus de verán e son xa moi poucas as prazas que quedan dispoñibles, consulta a información e inscríbeche canto antes. Info e inscricións AQUÍ.