O Celta reforza a súa liña de ataque coa chegada do ariete brasileiro Fabricio do Rosario, cedido, con opción de compra, polo Gremio de Porto Alegre. O dianteiro, de 20 anos de idade e 1,86 m. de altura atesoura experiencia na Segunda División brasileira e xa debutou na máxima categoría.
Fabricio pode ocupar varias posicións de ataque, xa que se desenvolve con solvencia tanto como ‘nove’ como en ambas bandas. O dianteiro brasileiro é décimo reforzo do filial celeste para a súa tempada de debut na Primeira División RFEF.
