Fer López, nova promesa do Celta, converteuse nunha das grandes noticias da tempada.
Nunha entrevista con Celta Media, o dianteiro compartiu as súas sensacións tras o seu esperado debut co primeiro equipo, a súa estrea como goleador e, lamentablemente, a súa recente lesión que o manterá afastado dos terreos de xogo durante algunhas semanas.
O día do seu debut co RC Celta, durante a segunda metade do duelo de Copa do Rey contra o UD San Pedro, foi para Fer “uno dos días máis felices da miña vida”. Un momento soñado por calquera canteirán, no que o dianteiro viviu a satisfacción de ver recompensado o seu esforzo e dedicación.
Fer tamén lembrou con emoción o seu primeiro gol co primeiro equipo, no encontro de Copa do Rey fronte ao Salamanca CF UDS. “Foi unha sensación indescritible, un soño feito realidade”.
Tras estes dous encontros de Copa, o dianteiro estreouse en LALIGA EA SPORTS. Fíxoo nun partido en casa ante o RCD Mallorca, no que lamentablemente sufriu unha lesión que lle obrigará a facer unha pausa, pero Fer móstrase optimista: “Estou desde xa tentando recuperarme. Nunca me lesionara, pero os fisios están contentos coa miña progresión e eu estou a traballar o máximo para volver canto antes”.
A súa mentalidade positiva e o seu desexo de regresar máis forte son o reflexo do seu carácter e da ilusión que ten o canteirán por seguir crecendo no Celta. O club quere desexarlle unha pronta recuperación.
Ánimo, Fer!
