A Fundación Celta Integra participou esta fin de semana na primeira fase de LaLiga Genuine 2023/2024 con sede en Tarragona.
Os actuais gañadores da clasificación de Xogo limpo retomaron a competición coa incorporación de dous novos equipos, o Racing de Santander e o Racing de Ferrol. Un total de 46 equipos que durante toda a fin de semana xogaron 69 partidos.
Os celestes enfrontáronse o sábado pola mañá aos anfitrións do Nastic de Tarragona, para posteriormente pola tarde facelo contra a Fundación Club Atlético de Madrid e o domingo pola mañá contra a Fundació Fútbol Basee Reus. Fantásticos resultados conseguidos, gañando o primeiro partido 3 a 0 e o segundo e o terceiro 3 a 1.
Ademais, os máis de 1000 xogadores participantes puideron gozar dunha sorpresa moi especial, ir a Port Aventura World. O venres, antes da correspondente e xa tradicional presentación no Nou Estadi de Tarragona, os equipos puideron entrar no parque de atraccións, onde puideron gozar de todas as atraccións e compartir todos xuntos a comida no restaurante “A Cantina”. Día de emocións fortes que dificilmente poderán esquecer.
Como premio ao gran comportamento e rendemento tanto dentro como fose do terreo de xogo, os xogadores da Fundación Celta Integra antes de viaxar e emprender o camiño de volta a Vigo, puideron volver a Port Aventura World e visitar o domingo pola tarde Ferrari Land.
Lamentar a lesión de Javi, que fronte á Fundación Club Atlético de Madrid tivo que retirarse do partido por unha forte escordadura de nocello que lle impediu xogar o último partido. Desde aquí mandarlle moitos ánimos e desexarlle unha pronta recuperación.
Próximo destino da Fundación Celta Integra en LaLiga Genuine, 2, 3 e 4 de febreiro en Cádiz.
