Novo éxito da canteira celeste. O Celta Infantil A proclamouse este venres campión da Nicosia International Youth Cup 2016 ao imporse cun solvente 3-0 ao chipriota Spazio FC. Os canteiráns chegaron á final tras imporse na fase de grupos ao mesmo rival, o Spazio FC, por 4-1 e ao Apoel Nicosia por 4-0. Na semifinal o equipo adestrado por Álex Otero impúxose ao Fan-Fun cun espectacular 11-0 no marcador.
