O Campus Fundación Celta by Cabreiroá estreouse con éxito na illa da Palma coa realización do seu primeiro Campus en Los Llanos de Aridane. Durante 5 días, un total de 65 novos futbolistas puideron gozar por primeira vez dunha experiencia celeste no mundo do fútbol llanense.
O Club EFB Los Llanos de Aridane foi o encargado de acoller o campus no Estadio Municipal Aceiro do 5 ao 9 de xuño. Ademais, o Concello de Los Llanos de Aridane colaborou estreitamente co Campus demostrando a súa confianza e proximidade.
Dende a Fundación Celta queremos agradecer club EFB Los Llanos de Aridane e ao concello pola súa colaboración e apoio na realización deste primeiro campus na Palma. Esperamos poder repetir esta experiencia nun futuro próximo e seguir contribuíndo ao desenvolvemento do fútbol base na illa.
