Marcos González amplía a súa vinculación co Celta ata 2030, reafirmando así a aposta do club polo talento Feito na Madroa para afianzar as filas do filial celeste.
Natural de Nigrán, Marcos chegou á Madroa en categoría infantil, con tan só 14 anos. Desde entón, foi pasando por cada un dos banzos da base ata converterse nun dos gardametas do Celta Fortuna, onde precisamente debutaba esta fin de semana deixando moi boas sensacións.
Mocidade, compromiso e talento definen a un futbolista que seguirá formando parte do presente e do futuro do club e que, aos seus 20 anos, representa á perfección a identidade da Canteira.
Con esta renovación, o Celta reafirma o seu compromiso cos xogadores da casa como piares fundamentais na construción do proxecto deportivo celeste.
Parabéns, Marcos!
