Procedente do Rayo Vallecano, debutou en Primeira División e en Copa do Rei có conxunto madrileño
Novo reforzo ofensivo para o Celta B. Rubén Ramiro, dianteiro procedente do Rayo Vallecano, chega a Vigo para ser celeste as próximas 2 campañas con opción a outras 3. Con esta incorporación e a de Guille Andrés, anunciada onte venres, o club vigués faise con dous prometedores atacantes.
Rubén Ramiro (1993, Madrid) é un extremo formado no Rayo Vallecano. As últimas tempadas acumulou experiencia co segundo equipo madrileño en Terceira División e Segunda División B. Ser un dos futbolistas máis destacados no filial rayista levoulle a sumar varias convocatorias co primeiro equipo e chegar a debutar en Primeira División e en Copa do Rei.
O xogador incorpórase hoxe aos adestramentos do Celta B na Madroa.
Foto: Rayo Vallecano
