O Celta B encadeou a súa sexta vitoria consecutiva este domingo en Abegondo e, a falta de pecharse a xornada, sitúase a tan só tres puntos do líder, precisamente o Deportivo Fabril. Os celestes foron netamente superiores ao conxunto coruñés durante todo o partido. Drazic adiantou aos vigueses no primeiro tempo cun golazo, marcado sen apenas ángulo.
Tras a continuación os de Albés sentenciaron o ‘miniderbi’ cos tantos de Ros e Juan Hernández. O tramo final do choque estivo protagonizado por dúas expulsións que deixaron ao Deportivo con nove xogadores sobre o terreo de xogo. Nos último minutos, o Fabril marcou o gol da honra. Tremendo refacho de resultados a do Celta B, que se erixe como claro candidato a disputar a próxima promoción de ascenso a Segunda División.
