Histórico liderado en solitario do Celta Fortuna. Con 32 goles, sendo o máximo goleador do Grupo 1, e acumulando máis vitorias que calquera outro equipo da categoría, o filial celeste consolídase como o segundo mellor filial de España, deixando claro que a grandeza non entende de divisións.
Nun xiro sen precedentes nos rexistros do club, o Celta Fortuna fai historia ao liderar a táboa do Grupo 1 durante o parón do Nadal por primeira vez. Cun total de 11 vitorias, o filial celeste dá a benvida ao 2024 como líder indiscutible da Primeira Federación, como mellor visitante da categoría e como máximo goleador do curso con 32 tantos. Estes números consolidan ao Fortuna como segundo mellor filial de España, só superado polo Vilarreal B, que compite na Segunda División.
Os de Claudio Giráldez comerán as 12 uvas cun brillo inigualable, deixando unha pegada indeleble na historia. Toda unha fazaña que augura un prometedor inicio do novo ano e mantén viva a ilusión e a confianza no futuro do RC Celta.
