O Celta Fortuna continúa perfilando o seu persoal para a tempada 25/26 coa incorporación de Quique Ribes (Valencia, 16 de xaneiro de 2004). O defensa central, que chega procedente do Real Madrid Castela, firma co club celeste ata 2029 e únese ao equipo de Fredi Álvarez para achegar solidez ao eixo da zaga.
Ribes conta con experiencia na canteira de clubs como Levante e Valencia, e nas dúas últimas campañas competiu en Primeira Federación co filial madridista, acumulando máis de 2.800 minutos en 42 partidos, nos que ademais sumou dous goles e unha asistencia.
O Celta dálle a benvida con ilusión e confía en que será unha peza importante este curso grazas á súa capacidade para adaptarse a diferentes esquemas defensivos e a súa experiencia na categoría.
Benvido, Quique!
